| Posted Article Details |
|
मेरो जात नसोध मलाई, म त मात्र नेपाली हुँ
|
मेरो जात नसोध मलाई, म त मात्र नेपाली हुँ । हुन त म एक काठमाडौं बासी नेवार हुँ । सबभन्दा पहिला म नेपाली हुँ त्यसपछी मात्र म नेवार हुँ । मेरो घर काठमाडौंमा हो तर नेवा: राज्यमा होइन । मलाई त्यो नेवा: राज्य चाहिदैन । म मेरो नेपाली दाजुभाईहरु सँग झगडा गर्न चाहन्न । मलाई मेरै पूर्ण नेपाल चाहिन्छ, टुक्राटुक्रा अस्तब्यस्त नयाँ नेपाल चाहिदैन । सबै जातजाती मिलेर बस्ने सिंगो नेपाल चाहिंन्छ, जातभातमा आधारित समाचार बन्ने नयाँ नेपाल चाहिंदैन ।
"बस बाट खसेर एक नेवारको मृत्यु"
"तमुवान राज्यका एक ब्यापारीको मगराती द्वारा गोली हानी हत्या"
"दुई बाहुन मिलेर एक क्षेत्री माथि निर्घात कुटपिट"
"राइको छोरा द्वारा बाहुनको १८ बर्षिय छोरीको बलात्कार ! अपराधी राइको खोजी भैरहेको"
"नेपालमा नयाँ मधेसी प्रधानमन्त्री नियुक्त"
"नेवा: राज्यमा ४ जाना लिम्बुहरु पसेर गुण्डा गर्दी"
नेपाली पत्र-पत्रिकामा यस्ता समाचारहरु प्रकाशित भएको मलाई हेर्नु छैन ।
२१ औं शताप्दीमा आएर पनि जातभातको आधारमा देशलाई टुक्रा-टुक्रा पारेर पुरानै बाइसे र चौबिसे राज्यहरु जस्तै कमजोर र बिभाजित राज्य हेर्न चाहन्न ।
नयाँ नेपाल बनाउने भाषण गर्दै हिड्ने तर देशलाई झन पुरानै अवस्थामा पुर्याउन खोज्ने हाम्रा देशका नेताहरुमा सद्-बुद्दी आएको हेर्न चाहन्छु ।
हाम्रो देश नेपाल हो । अनी हामी सबै नेपाली हौं ।
पशुपती नाथले नेपाल र नेपालीको कल्याण गरुन !
|
|
|
|
Posted By:
Amir Shrestha
|
Date:
23 Jan 2010
|
|
|
|
